البيتكوين بالعامي
Post last updated: October 28, 2023
في ليلة مكتملة الضياء, قمت بحملة توعوية شعواء, اشرح فيها البيتكوين, للأهل والأقارب والأصدقاء
نحنا اليوم بسنة مشابهة لل ٢٠١١, ٢٠١٥, و ٢٠١٩. السنوات ما قبل حصول حدث النصف لكمية البيتكوين المعدنة في كل كتلة.
فبحكم التقلبات السعرية الاخيرة وايضا بسبب تجربة قمت بها مؤخرا اتضح لي فيها سهولة شرح البيتكوين للآخرين, خطرلي اني بلش ابعت بعض المصادر التعليمية عن البيتكوين للأهل والأصدقاء.
تمت كتابة المقال بسرعة البرق ⚡️ انتبه امامك مطبات فكرية ⚠️ وشكرا️
ايا مصدر ابعت؟ كتاب ولا فيديو؟
ما كذبت خبر وبديت دور عالمصدر الاسهل والاقصر والاوفى شرحا عن الموضوع. البيتكوين غابة من المواضيع المتشابكة وبحر من المصطلحات والمفاهيم الاقتصادية والتقنية. الأصدقاء في شبكة بيتكوين ٢١ عندهن مكتبة محترمة فيها اكتر من كتاب ممكن ارساله, لكن من غير المعقول طلب قراءة معيار البيتكوين من شخص ما عنده اكتر من ١٠ ثواني زمن تركيز على فيديو او صورة منشورين على الشبكات الاجتماعية اياها.
بعد بحث قررت ابعت كتاب بالانجليزي بعنوان The Simplest bitcoin Book Ever Written
.الكتاب صغير ولطيف ومعبا نقط وملخصات عن الاقتصاد والبيتكوين
وللناس الي ابدا ما بتقرا انجليزي بعتلهن كتيب اسمه كتاب بيتكوين الصغير
طيب شرحلنا كمان!؟
شو رأيك تعملنا بريسنتيشن تحكيلنا فيها شو الشغلات يلي انت شايفها مهمة
وكانت غيرت حياتك لو كنت بتعرفها من قبل ١٠ ١٥ سنة
على فيديو كول
متل ما اتوقعت, الموضوع صعوبته رح تكون باقناع العالم بانها تفضي حالها ساعتين لتتعلم شي جديد.
الشغلات المهمة باختصار
- نظام المصاري الي عنا مضروب
- عم ننسرق بسبب التضخم
- كل شي عم يزيد معنا او ما عم يزيد عم تروح قيمته
- الوضع رح يستمر بهل شكل
- الدولار واليورو رح يصيرو متل الليرة
- في نظام مالي جديد مفتوح للجميع مبني عالرياضيات والفيزايا وغير قابل للتعديل او التلاعب ومحمي بكميات هائلة من الطاقة
- اغلب العالم ٩٩% ما بيعرفو عنه شي، والي بيعرفو مفكرينه سهم للمضاربة
- الادلة العملية بتقول انه رح يكون النقد الجديد بعد رحلة تقلبات سعرية وازمات اقتصادية
- اهتم بصحتك و بمصلحتك وتعلم شي مفيد وخزن مبالغ صغيرة مستعد تخسرها بالبيتكوين لتضمن حصتك بالمستقبل
- تعلم اكتر عن الموضوع
هي بريزينتيشن. غيره؟
ليش حاليا مهمة دراسة الموضوع؟ مو بكرا
في دورات سوقية كل حوالي اربع سنين، كمان متزامنة مع الانتخابات الامريكية، وتغيير سياسات الفائدة بالبنوك المركزية. كل مرة بيطبعو مصاري لعند الله بعد ما يشحتفو العالم. كمان ليرشو المنتخبين بحيث يحسنو صورة الاقتصاد شكليا. العالم بتاخد هالمصاري وبتحطها بايا شي بيقوم سعر الاسهم بيطلع للسما.
هاد رح يصير السنة الجاية. ففكرة انك تكون محوط حالك بشي غير ممكن تغير كميته رح تكون مفيدة. خاصة لمن نعرف انو في كمان حدثين مهمين
حدث النصف Halving
١. كمية البيتكوين المطروحة يوميا رح تصير نص بشهر ٥ ولمدة ٤ سنين. كل ٤ سنين بيصير هالحدث ولغاية ٢١٤٠. هيك الكود بيقول وما حدا بيقدر يعدله لانه في عشرات الاف المشغلين للشبكة ولازم كلهن يوافقو على التعديلات. انا مثلا ما رح وافق فبضمن ثبات الشبكة بجهازي.
ETF صناديق الاستثمار
٢. امريكا رح توافق على ادراج البيتكوين للتداول الرسمي للشركات بالاشهر القادمة بالتالي كمية المصاري الي رح تحاول تلاحق المعروض رح تعمل ازمة لانو مافي حدا رح يبيع الي معه (70 بالمية من البيتكوين ما تحركو خلال اخر سنة) واصلا رح يكون المعروض اقل للنص.
جماعة مالكي البيتكوين
اشخاص منعزلين في مجتمعاتنا ومجتمعات غيرنا. تعرضو لتقلبات السوق وتم اختبار ايمانهم بالشبكة بشكل اقل ما يمكن وصفه بانه اختبار قاس جدا
الي معهن بيتكوين وفهمانينه مستحيل يتصرفو فيه. في لسا الي عم يشغلو الشبكة وفي المعدنين. كلهن اطراف متحاربة بنفس الوقت متصالحين بشو ما اتصرفو بسبب طريقة بناءها واثبتت هالشي خلال ١٤ سنة من تاريخ عملها لهلا مافي قوة قدرت تهكرها او تغير فيها شي.
شو هو البيتكوين مرة تانية؟
هلا انتبهت اني ذكرت مصطلح "بيتكوين" باكتر من سياق. البيتكوين هو
شبكة ند لند
مشغلة من قبل ١٠ الاف سرفر ومليون جهاز تعدين موزعين بشكل غير مركزي ومتصلين عبر الانترنت، الراديو، الاقمار الصناعية.
عملة
٢١ مليون قطعة بيتم استخراجهن بالتعدين (صرف كهربا) فقط. من ٢٠١٩ ل ٢١٤٠. كل قطعة فيها ١٠٠ مليون سات (اليورو فيه ١٠٠ سنت). فمو ضروري تمتلك قطعة كاملة. اليورو اليور بيجبلك ٣الاف سات تقريبا. برايي بعد فترة عقد من الزمن رح يصير في parity يورو = سات
نظام نقدي
كل الارقام المذكور وقواعد الانتاج مكتوبة ككود.
شبكة تحويلات
ممكن تحويل القيمة من خلالها بغضون ١٠ دقايق وبعد ساعة تعتبر التحويلة نهائية وغير قابلة للعكس مهما كان المبلغ. ١ سنت او ١٠٠ ترليون دولار. مفيد للأشخاص وكمان المعاملات الاقتصادية بين الحكومات.
نظام مصرفي لامركزي
كل شخص بيملك قدرة على فتح عدد لا نهائي من الحسابات وبدون ايا اذن بايا وقت ومن غير الممكن توقيف حساباته او تحويلاته لان كل شخص فيه يشغل الشبكة على لابتوبه
بتاريخ اليوم يوجد ١٥ الف جهاز مشغل لشبكة البيتكوين متوزعين على انحاء العالم
